Олимпија Милано со Ненад Димитријевиќ во своите редови го освои третото место на турнирот во Хераклион, откако без поголеми проблеми славеше во италијанската пресметка против Виртус Болоња со 73-62.
Целиот натпревар мина во доминација на избраниците на Еторе Месина, кои од втората четвртина стигнаа до двоцифрена позитива што умешно ја задржуваа. Пред крајот на третата четвртина Олимпија имаше и 25 поени предност, но Димитријевиќ и соиграчите неколку минути беа без постигнат поен што противникот го искористи за да ја преполови негативата и да стигнеме до нешто попристоен пораз.
Димитријевиќ постигна пет поени, сите во втората четвртина кога токму по мини-шоуто на Македонецот (тројка, двојка, па асистенција за цепелин на Нибо) тимот на Олимпија се одлепи резултатски и стигна до „плус 15“. Зад неговото име останаа запишани и три асистенции, а најефикасни кај победничкиот тим беа Ледеј со 14 и Миротиќ со 10 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
