Македонскиот интернационалец Ненад Димитријевиќ и неговиот Уникс Казањ продолжуваат перфектно во новата сезона во ВТБ лигата. По триумфите над Зенит и Енисеј, во третото коло беше совладан и Нижни Новгород на гостински терен со 57-75.
Клучна за натпреварот беше втората четвртина која му припадна на Уникс Казањ со 6-21, а предноста од 17 поени на полувремето (22-39) умешно беше задржана во вторите 20. минути.
Димитријевиќ одигра нов одличен натпревар во кој беше предводник на својот тим со 19 поени (7/14 за два, 0/1 за три и 5/5 за еден поен) на кои додаде и три асистенции и два скока.
Во следното коло Уникс Казањ на домашен терен ја пречекува Астана.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
