Ненад Димитријевиќ ќе ја има улогата на лидер на македонската репрезентација на првите две претквалификациски средби за Евробаскет 2025, на кои нашиот национален тим најпрвин ќе гостува во Данска, а потоа в недела во Скопје ќе ја пречека Словачка.
Според плејмејкерот, кој неодамна потпиша договор со рускиот гигант Уникс Казањ, македонскиот национален состав е подготвен за предизвиците, во обид да стигне до две победи со кои широко би си ги отворил вратите кон главните квалификации.
„Важен е почетокот и многу ни е важно да почнеме добро. Знаеме дека Данска е сериозен противник, одиме на гости, но мислам дека ќе бидеме подготвени за предизвикот. Имаме една добра група, тренираме заедно и верувам дека ќе се подготвиме добро за предизвиците. Добро сме подготвени за првиот натпревар, и мора да продолжиме по истиот пат. Тоа е, напорно да работиме и треба да имаме целосен фокус на Данска, а дури потоа на сите останати“, изјави Димитријевиќ во пресрет на утрешниот меч со Данците.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
