Македонскиот кошаркарски репрезентативец Ненад Димитријевиќ и неговиот Уникс Казањ стигнаа до нова победа во руската ВТБ лига откако славеа на гостувањето кај Енисеј со 79-89 во натпревар од 15. коло.
Домаќините подобро го отворија мечот и по десет минути игра имаа предност од 22-16. Сепак, во продолжение големиот фаворит одигра далеку подобро и на крајот стигна до конечен триумф од 79-89.
Димитријевиќ немаше шутерски ден, откако мечот го заврши со само шест поени, но и не зеде многу шутеви, туку главна цел му беше да ги разигрува соиграчите, па така на крајот заврши со десет асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
