Најдобриот македонски кошаркар Ненад Димитријевиќ и неговиот Уникс Казањ го загубија првиот натпревар во финалната серија од руската ВТБ лига, откако на домашен терен загубија од Локомотив Кубан со 76-85.
Откако во првата четвртина се играше во егал, гостите направија плус шест во вториот период кој беше доволен за на пауза да заминат со предност од (37-42). Клучна во мечот беше последната четвртина која Локомотив ја одигра на високо ниво и на крајот успеа да стигне до брејк во Казањ.
Македонскиот репрезентативец повторно беше еден од најдобрите во својот тим завршувајќи го мечот со 13 поени, надополнети со три скока и пет асистенции.
Вториот натпревар од финалната серија е закажан за во понеделник и исто така ќе се игра во Казањ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
