Екипата на Динамо Загреб, може да се пофали дека во полуфиналните пресметки ќе има повеќе претставници од „гигантите“ Реал Мадрид, ПСЖ, Интер… и од некои други клубови.
Дури четири играчи има Динамо Загреб кои играат во дресот на Хватска и утре ќе се „судрат“ со силната Аргентина. Тоа се голманот Доминик Ливаковиќ, Мислав Оршиќ, Бруно Петковиќ, а тука е и Јосип Шутало.
Динамо Загреб е четвртиот тим по бројот на играчи кои ги дава во полуфниалето, а пред нив се само Баерн, Севилја и Атлетико Мадрид. „Модрите“ имаат повеќе играчи и од гигантите како Реал Мадрид, ПСЖ, Интер…
Највеќе фудбалери дава Баерн Минхен кој има шест играчи во полуфиналињата, и тоа Мазрауи (Мароко), Коман, Ернандез, Павар и Упамекано (Франција) и Станишиќ (Хрватска). Следуваат Севилја и Атлетико Мадрид со по пет играчи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
