Повредата што Мохамед Салах ја заработи во финалето од Лигата на шампионите не е премногу сериозна, па големиот ас речиси сигурно ќе се појави во составот на Египет за претстојниот мундијал што на 14 јуни ќе стартува во Русија.
Првичните информации велеа дека повредата е многу сериозна и ќе мора да следи пауза од неколку месеци, но резултатите од деталните прегледи донеле позитивни вести за „фараоните“. Имено, предвидената пауза според лекарите е меѓу 15 и 20 дена, па доколку не дојде до компликации Салах ќе биде во можност да им помогне на репрезентативните колеги.
Неизвесно е дали тој ќе може да настапи на првиот меч на 15 јуни против Уругвај, но се очекува да биде „фит“ за последните две средби од групата А, на 19 јуни со Русија и на 25 јуни со Саудиска Арабија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
