Боксерските фанови ширум светот имаат причина за задоволство откако конечно беше договорена борбата за обединување на титулите на двајцата најдобри боксери на денешнциата, Тајсон Фјури и Олександар Усик.
Преговорите траеја речиси две години, за конечно да биде постигнат целосен договор – борбата ќе се одржи во Саудиска Арабија, а датумот е или 23 декември или првата половина од месец јануари 2024 година.
Победникот од оваа супер-борба ќе биде првиот човек кој ќе ги обедини сите титули во тешка категорија по Ленокс Луис, кого тоа му успеа со триумфот над Холифилд во 1999 година.
Фјури моментно е сопственик на ВБЦ појасот, а последен пат го одбрани во декември минатата година со победа над Дерек Чисора. Усик е шампион во ВБА, ИБФ, ВБО и ИБО верзиите, а последната победа ја забележа над Даниел Дубоа во август.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
