Агентот на Кристијано Роналдо, Жорге Мендеш не успеа во намерата да ги убеди челниците на Јувентус без отштета да го ослободат неговиот клиент да си замине од таборот на „црно-белите“.
Јавна тајна е дека Манчестер Сити нема намера да плати ниту едно евро како отштета за Роналдо, наведувајќи го тоа како единствен услов пред да почнат конкретни разговори со португалската суперѕвезда. Кристијано има плата од 31 милион евра што е проблем сам по себе за Јувентус, но „старата дама“ е цврсто решена да не дозволи играчот за кого беа платени 100 милиони евра да си замине без отштета, на една година пред истекот на актуелниот договор.
Мендеш дојде на помош во обид да договори заминување, но ставот на Недвед и Ањели беше повеќе од јасен – Кристијано може да си замине само ако Јуве добие задоволителна понуда.
Засега, ниту еден клуб не е заинтересиран да плати 30 милиони евра, плус да ја покрие платата на Роналдо, а се помалку е време за да се постигне договор и Кристијано да си ја исполни желбата за заминување и нов предизвик во кариерата.
Jorge Mendes will talk with Juventus today. Cristiano Ronaldo was not starting vs Udinese because he wanted to look for options – while Mendes approached Manchester City. 🇵🇹 #MCFC
Juventus want €28/30m fee for Ronaldo. Man City have no intention to pay. There’s no bid yet. pic.twitter.com/Aa0IBvX5Ut
— Fabrizio Romano (@FabrizioRomano) August 26, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
