Американското засилување на Црвена Звезда, поранешниот НБА кошаркар, Ајзеа Кенан на подкастот на Чима Монеке откри како стигнал до потпис со српскиот тим и што очекува од сезоната.
Како што вели искусниот Американец тој во Белград пристигнал на повик на тренерот Јанис Сферопулос, а цели со „црвено-белите“ да испише историја и за прв пат во клупската историја да го освои најпрестижниот европски трофеј.
„Ме повика Јанис Сферопулос и ме праша за мојата ситуација. Во тој момент не знаев каква ќе биде мојата иднина и чекав да видам што сака Олимпијакос. Знаев дека ако не дојде до продолжување на соработката ќе морам да продолжам понатаму. Кога еден тренер ќе ви дозволи да бидете свои и да ја играте својата игра со тимските замисли тешко е да одбиете повик“, откри Кенан.
„Тренерот ми ги кажа целите и што сака да постигне, како и која ќе биде мојата улога во сето тоа. Сакав да дојдам тука и да направам нешто со Црвена Звезда, нешто што долго го немаат направено, а тоа е да се вратиме во плеј-офот и да ја освоиме Евролигата“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
