Италијанскиот репрезентативен голман, Џанлуиџи Донарума, повеќе нема да го брани голот на францускиот шампион Пари Сен Жермен. По три сезони поминати во редовите на парискиот гигант, 25-годишниот чувар на мрежата објави дека си заминува од клубот, а веста ја потврди преку емотивно и отворено писмо упатено до навивачите.
Донарума, кој во ПСЖ пристигна во летото 2021 година како европски шампион со Италија и еден од најталентираните голмани во светот, не ја криеше својата горчина од начинот на кој завршува соработката со клубот.
„Од моментот кога пристигнав во ПСЖ, дадов сè од себе – и на теренот и надвор од него, за да ја заслужам мојата позиција и да го бранам голот на тимот. Жал ми е што некој одлучи дека веќе нема да бидам дел од оваа приказна и да придонесувам за идните успеси. Ова ме остава разочаран и натажен,“ напиша Донарума.
Во текот на трите сезони во Париз, Донарума освои неколку титули во Лига 1 и беше дел од успесите на тимот и во домашните купови. Неговите интервенции беа клучни во многу важни натпревари, вклучително и дерби-средби и настапи во Лигата на шампионите, освојувајќи го најпрестижниот трофеј по победата над Интер во финалето во Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
