Галатасарај подготвува сензационална понуда за ПСЖ и италијанскиот голман Џанлуиџи Донарума, тврди „Тутомеркато“. Тоа ќе биде нов обид на турскиот клуб дополнително да се засили, откако веќе контактирал со голманот на Милан, Мајк Мањано, голманот на Интер, Јан Сомер и голманот на Манчестер Сити, Едерсон.
Според извештаите од Италија, новата цел на Галатасарај е Донарума, чиј договор со ПСЖ истекува во јуни 2026 година, а францускиот клуб наводно не е подготвен да го задржи со сегашната плата од 12 милиони евра по сезона. Поради ова, Донарума би можел да го напушти клубот како слободен агент следното лето.
Галатасарај верува дека доведувањето на италијанскиот репрезентативец би оставило силен впечаток, особено откако веќе е постигнат договор со Наполи вреден 75 милиони евра за напаѓачот Виктор Осимен.
Прашање е дали Галатасарај ќе успее во својот план поради конкуренцијата што го следи Донарума. Се наведува дека Челси, Интер и Јувентус се заинтересирани и за поранешниот голман на Милан. Донарума минатата сезона прими 43 гола на 47 натпревари, а на 17 натпревари не прими гол. ПСЖ ја освои Лигата на шампионите, Лига 1 и Купот на Франција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
