Репрезентациите на Италија и на Шпанија вечерва на „Сан Сиро“ во Милано ќе го одиграат полуфиналето во Лигата на Нации „А“ дивизија. Тоа ќе биде прво враќање на Џанлуиџи Донарума на стадионот во Милано, по неговиот трансфер од Милан во ПСЖ.
Навивачите на „росонерите“ и натаму не му го простуваат овој трансфер. Затоа вчера на еден мост во Милано осамна транспарент наменет за италијанската „единица“.
„Донарума, г**но едно. Никогаш повеќе нема да бидеш добродојден во Милано“, му порачаа ултрасите на Милан.
Натпреварот Италија – Шпанија се игра вечерва во 20:45 часот. Утре во Торино се среќаваат селекциите на Белгија и на Франција.
Mentre #Donnarumma in un’intervista si augura di non ricevere fischi, la #CurvaSudMilano risponde con questo striscione. pic.twitter.com/GJ6PnTnsc5
— Pietro Balzano Prota (@PBPcalcio) October 5, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
