Кошаркарите на Далас загубија од Хјустон на домашен терен со 108-102 во синоќешниот натпревар од НБА лигата, па сега и двата тима имаат скор 3-2.
Залудно најефикасни на мечот, Лука Дончиќ и Кајри Ирвинг беа од редовите на поразените. Дончиќ постигна 29 поени, дополнети и со пет скока, додека Ирвинг запиша 28 поени, осум скока и седум асистенции.
Кај Хјустон најдобри беа Џејлен Грин со 23 поени и 12 скока, Дилон Брукс дополни со 17поени, баш како и Алперен Шенгун кој имаше и 12 скока.
Хјустон подобро влезе во мечот и веќе на крајот од првата четвртина имаше двоцифрена предност, која потоа во еден момент изнесуваше и +23 поени. Далас единствено успеа да намали на негатива од четири, но тоа е се.
Хјустон следниот меч го игра со Голден стејт, а Далас со Орландо.
Во останатите синоќешни дуели, Мемфис го победи Милвоки со 122-99, Јута загуби од Сан Антонио на домашен терен со 88-106, а Феникс на гости победи со ЛА Клиперс со 119-125.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
