Ниту феноменалната партија на Словенецот Лука Дончиќ не успеа да му помогне на Далас да го избегне поразот од Феникс на синоќешниот дуел во НБА лигата.
Далас загуби со 117-115 од Феникс, а Дончиќ мечот го заврши со 40 поени, 11 асистенции и 8 скока. На спротивната страна одличен беше Девин Букер со 30 поени, четири асистенции и четири скока.
Потегот на вечерта за Бобан Марјановиќ, пак, кој успеа да забие покрај Шпанецот Рики Рубио, онака по малку неочекувано за неговиот „габарит“.
BOBAN ON THE RUN! ??? pic.twitter.com/Ca5zOqD4Tp
— NBA (@NBA) August 3, 2020
Во останатите синоќешни натпревари, Бруклин славеше против Вашингтон со 118-110, Бостон го победи Портланд со 128-124, Сан Антонио го победи Мемфис со 106-108, Орландо беше подобар од Сакраменто со 132-116 а Хјустон го победи Милвоки со 120-116.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
