Откако Лука Модриќ го напушти Реал Мадрид, се шпекулираше многу за тоа кој ќе го наследи дресот со број десет. По долги нагаѓања, се чини, сега е јасно кому ќе му припадне „десетката“.
Шпанските медиуми пишуваа дека може да биде Арда Гулер, за кого велат дека ќе биде наследник на Модриќ во Реал, но се чини дека тоа нема да биде случај. Од Реал Мадрид донеле одлука од новата сезона „десетката“ да ја носи Килијан Мбапе.
Мбапе го носеше дресот со број девет минатата сезона по неговото доаѓање од ПСЖ, но се знае дека десетката е еден од неговите омилени бројки, и тој побара да го добие истиот број во Реал, што ќе му биде исполнето.
Шпанските медиуми денес објавија дека желбата на Мбапе ќе биде исполнета и дека му е даден приоритет пред Гулер.
🚨Mbappé apunta a ser el siguiente número 10 del Real Madrid. pic.twitter.com/a2DCn3ZoK7
— Ramón Álvarez de Mon (@Ramon_AlvarezMM) July 22, 2025
Исто така, ќе биде интересно да се види кој сега ќе ја преземе сега „деветката“. Доколку Реал не донесе некое вистинско засилување во нападот, постои можност младиот Гонзало Гарсија, кој ги воодушеви сите со своите игри на Светското клупско првенство, да го преземе бројот девет.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
