Кошаркарскиот клуб Барселона продолжува со големите промени во ростерот по неуспешната сезона во која беа загубени титулата во Евролигата, но и шпанското првенство. Каталонците веќе ангажираа кошаркари како Никола Калиниќ, Јан Весели, Томас Саторански, а најново име во составот е Мајк Тоби.
Американецот кој настапува за словенската репрезентација во Барселона доаѓа по четири години поминати во Валенсија каде беше соиграч на нашиот Ненад Димитријевиќ. Центарот во последната сезона беше еден од најзаслужните за пласманот на Валенсија во полуфиналето од Еврокупот и се очекува да биде од огромна помош на тимот кој поради повреда нема да може да смета на Никола Миротиќ подолго време.
𝐌𝐢𝐜𝐡𝐚𝐞𝐥. 𝐄𝐝𝐰𝐚𝐫𝐝. 𝐓𝐨𝐛𝐞𝐲. 𝐂𝐮𝐥𝐞𝐫. 💙❤️ pic.twitter.com/Solk9eTRIC
— Barça Basket (@FCBbasket) July 26, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
