Доскорешниот тренер на Црвена Звезда, Барак Бахар го тужи српскиот прволигаш за милиони евра кои му следат со договорот кој беше со важност до 2026 година. И не само израелскиот тренер, туку и неговите помошници, Гај Сарфати, тренерот на голманите Гај Вејсингер и аналитичарот Адам Давид, пренесуваат тамошните медиуми.
Бахар веќе ангажирал адвокат и го започнал процесот пред органите на ФИФА за кој има и легитимно право.
Белградскиот гигант по разделбата со Бахар ја информираше јавноста дека истата е од пријателски карактер и дека клубот ќе продолжи да го плаќа стратегот се додека не најде нов ангажман. Сепак работите се променети и Бахар цели кон добивање на сите финансии загарантирани во договорот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
