Македонската ракометна репрезентација вечерва го одржа последниот тренинг пред утрешното тргнување за Загреб, каде „црвено-жолтите“ од сабота ќе почнат со настап во групата Ц од Европското Првенство.
Видно расположени и максимално мотивирани, избраниците на Раул Гонзалес најавуваат дека ќе сторат се за испишување на нова ракометна историја, свесни дека зад себе ќе имаат и бројна македонска фаланга за да им даде поддршка во Загреб, па потоа и во Вараждин откако ќе биде обезбеден пласман во следната фаза.
Македонските ракометари утре ќе тренираат во „Арена“, салата каде ќе ги водат своите битки во првата фаза од ова Европско Првенство, а в петок ќе тренираат во „Дом Спортова“, арена што се наоѓа во непосредна близина на хотелот во кој ќе бидат сместени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
