Кошаркарот на Чикаго Булс, Горан Драгиќ одлучи да се врати во репрезентацијата на Словенија за Евробаскет 2022 кој од 1. до 22. септември ќе се игра во Германија, Италија, Грузија и Чешка.
Тој вели дека се врати во тимот како би ја одбраниле титулата од минатиот шампионат, а не да се бори за петтото место.
„Да бидеме реални не дојдов да играм за петто место туку да го освоиме шампионатот. Имаме тешка група и треба да одиме чекор по чекор. Голема е еуфоријата во нашата земја, но мораме да влезе со ладни глави. Не планирам да играм по 40 минути на секој меч, но тука сум да бидам капитен и лидер и на теренот и надвод од него“, изјави Драгиќ.
Словенија на шампионатот се најде во групата Б заедно со Франција, Босна и Херцеговина, Литванија, Германија и Унгарија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
