Додека фудбалскиот свет е во очекување на старот на Африканскиот куп на нации кој оваа година ќе се одржи во Брегот на слоновата коска, вистинска драма се одвивала во авионот со кој фудбалската репрезентација на Гамбија патувала на ова натпреварување.
По полетувањето на чартерот од Банџул, за кратко време фудбалерите почнале да се гушат и да чувствуваат главоболки. Откако неколку фудбалери паднале и во несвест, пилотот со спретна интервенција во најкраток можен период го вратил авионот назад во Банџул.
„Со жалење ве информираме дека чартер-летот што ги превезуваше ‘Скорпионите’ на Африканскиот куп на нации, се врати во Банџул поради технички проблеми. Летот траел девет минути кога екипажот сфатил што се случило и побарал да се врати во Банџул“ – информираа од Фудбалскиот сојуз на Гамбија.
Првичните истраги покажала дека имало губење на притисокот и недостиг на кислород во авионот.
„Неколку играчи се онесвестиле поради недостаток на кислород во авионот. Дел од репрезентативците се уште се во шок по ова трауматично искуство. Авионот се врати во Гамбија со целата делегација“ – пренесуваат африканските медиуми.
🚨🚨| An incident occurred during Gambia’s flight to AFCON – several of them fainted due to a lack of oxygen on the plane. The reason: the size of the plane.
Two of the national team players are still in shock following this traumatic experience.
The plane returned to Gambia… pic.twitter.com/AlrAWuNGmb
— CentreGoals. (@centregoals) January 11, 2024
Гамбија во Африканскиот куп на нации е во Групата Ц со Сенегал, Камерун и Гвинеја.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
