Барселона во вистински драматичен натпревар во 6. коло од Евролигата му го нанесе првиот пораз на Фенербахче, славејќи на домашен терен во драмата со 81-80.
Во крајно израмнет натпревар, Барселона создаде извесна предност во третиот период од играта, но Фенербахче успеа да се врати во последната четвртина. Турците на крајот при 81-78 имаа и последен напад за израмнување, но успеаја да погодат само за два поени за конечен пораз од 81-80.
Најдобар поединец во редовите на Барселона беше Лапровитола со 26 поени и седум асистенции, а помогнат од Никола Калиниќ со 14 поени. Кај Фенербахче се издвои единствено Џонатан Мотли со 23 поени и седум скока.
Барселона на тој начин дојде до четвртата победа во шестиот натпревар, а Фенербахче, пак, го запиша првиот пораз.
Монако, пак, се израмни сега на врвот со Фенербахче откако дојде до победа над Црвена Звезда со 85-77.
Французите дојдоа до петтиот триумф благодарение на Мајк Џејмс кој запиша 21 поен и Џордан Лојд кој заврши со 20 поени. Кај Црвена Звезда, Филип Петрушев заврши со „дабл-дабл“ од 16 поени и 12 скока.
Олимпијакос пропушти шанса исто така да се приклучи на врвот со пет победи и еден пораз, откако загуби на домашен терен од Валенсија со 82-83. Жалгирис триумфираше со 88-81 против Алба.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
