Кошаркарите на Бостон славеа против Филаделфија со 114-112 во синоќешниот петти натпревар од полуфиналната серија, па на тој начин си обезбедија финале на Истокот од НБА плеј-офот каде ги чека дуел со Кливленд.
Во одличен меч со многу пресврти и добри потези, на крајот триумфираше Бостон па стигна до вкупни 4-1 во полуфиналната серија.
Низ израмнет прв дел Бостон со девет поени предност замина на полувремето. Во вториот дел, гостите се вратија во игра за да се влезе во неизвесна завршница во која Филаделфија имаше во еден момент и четири поени предност. Но, Бостон сепак на крајот дојде до победата од 114-112.
Одличен во победничкиот тим беше Татум со 27 постигнати поени, додека кај гостите не помогнаа ниту Хрватот Дарио Шариќ со 27 поени и 10 скока, и Камерунецот Ембид со 27 поени и 12 скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
