Шпанскиот напаѓач на Милан, Алваро Мората доживеа значителна траума на главата на тренинг и е хоспитализиран, објави во четвртокот италијанскиот клуб.
„За време на утринскиот тренинг, Мората претрпе значителна траума на главата при судир со соиграч“, објавија од Милан.
Според италијанскиот печат, капитенот на европскиот шампион од 2024 година се повредил по судир со српскиот дефанзивец Страхиња Павловиќ. Се чини дека нема да игра на мечот од 12. коло на италијанскиот шампионат во Каљари во сабота.
Откако се врати во Серија А од Атлетико Мадрид ова лето, Мората (32) постигна три гола во дванаесет натпревари во сите натпреварувања, вклучително и еден во победата на Милан во Лигата на шампионите над Реал Мадрид со 3-1 во вторникот.
Милан, кој одигра натпревар помалку, се наоѓа на седмото место во италијанското првенство, со осум бода помалку од лидерот Наполи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
