Репрезентацијата на Србија остана со малку шанси за пласман на Мундобаскетот бидејќи беше поразена од селекцијата на Белгија со 73-74.
Во првиот период избраниците на Светислав Пешиќ поведоа, но Белгијците настапија на сцена со неколку тројки и го задржаа резултатот. Одличен беше Бобан Марјановиќ, но гостите поведоа уште во првите десет минути по тројката на Либерт.
Изедначено се играше и во вториот период. Јасно беше дека Србија мора многу подобро во продолжението и се започна одлично, со тројката на Немања Бјелица, а потоа Вања Маринковиќ ја постигна својата нова тројка. Одбраната беше одлична во третата четвртина, „орлите“ водеа со 49-43, а по тројката на Алекса Аврамовиќ беше 54-48.
Белгијците денеска имаа девет животи, постојано се враќаа во игра, а тога кога сите помислија дека се ќе се реши, не беше така.
По тројката на Давидовац, Србија поведе со 68-57, но од тој момент „орлите“ постигнаа само три поени, а Белгијците со предност се вратија во игра дури и за победа.
Бако постигна 17 поени, Обасохан 16, а одличниот Лекомт 14.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
