Репрезентативниот дрес кој Диего Марадона го носеше 1987 година на пријателскиот натпревар меѓу Аргентина и Италија, во само еден час достигна цена од 14.000 евра на хуманитарната аукција која ја покренаа наполитанските фудбалери Чиро Ферара и браќата Фабио и Паоло Канаваро.
Аргентина и Италија играа пријателски дуел во Цирих. За Аргентинците тоа беше прв меч по освојувањето на светската титула 1986 година во Мексико. Марадона ја предводеше Аргентина, а за Италија дебитираше Чиро Ферара на 20 години, кој со својот прославен соиграч од Наполи успеа на крајот да ги размени дресовите.
„Драг Чиро, мој пријателе и верен сопатник. Уште се сеќавам на твоето деби за репрезентацијата, против мене и мојата Аргентина. Мило ми е што тој дрес кој ти го дадов пред 33 години денес може да им помогне на луѓето во овие тешки моменти. На Неапол и Наполитанците, мојот втор дом“ – напиша Марадона на Инстаграм најавувајќи ја аукцијата.
Освен дресот на Марадона, на аукцијата се најдоа и вредни спортски експонати, дресови на бројни италијански репрезентативци. Понудите доаѓаат од целиот свет, а аукцијата која е дел од проектот „Заедно за Неапол“ е отворена до 24. април. Досега се собрани 30.000 евра само 24 часа откако тргна аукцијата.
Coronavirus #Napoli, all’asta la 10 di Maradona per aiutare le famiglie bisognose: Ciro Ferrara si priva di un suo cimelio risalente a Italia-Argentina del 1987: “Sono orgoglioso di farlo per aiutare la mia città”. E Diego lo sostiene su Instagram https://t.co/iZuDgJ8qs4
— sportlive (@sportli26181512) April 18, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА