Престојниов викенд, 11. јуни, со почеток во 12 часот, на полјанката во Парк шума Гази Баба стартува Државното првенство во планински велосипедизам во организација на Велосипедскиот клуб Енерџи и Велосипедската федерација на Македонија.
На специфична кружна патека во должина од 4,5 км претставниците на македонските велосипедски клубови ќе ги одмерат силите и вештините во различни категории: сениори, сениорки, јуниори, кадети, У13 и мастерс. Најуспешните на натпреварот ќе се стекнат со титулата државен првак во планински велосипедизам.
Велосипедската трка низ патеките во Парк шума Гази Баба се одржува традиционално секоја година како настан кој е возбудлив и интересен и за пошироката публика.
ФOTO: Дејан Мариќ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА