Раководството на Дубаи не запира со потписи на нови кошаркари со кои дебитантот планира што подобро да се претстави во Евролигата. Ново име во таборот на Дубаи од денеска е Мфионду Кабенгеле, канадскиот интернационалец кој минатата сезона блескаше во редовите на Венеција.
Одличниот центар имаше импресивни настапи со прсек од 15,4 поени и 9,7 скокови по натпревар во Еврокупот, воедно и беше втор по индексни поени во ова натпреварување (23,2 по натпревар), поради што Кабенгеле беше избран и во идеалната петорка на Еврокупот за сезоната 2024/25.
Кабенгеле претходно настапуваше и за грчки АЕК во Лигата на Шампионите на ФИБА, а по трансферот во Дубаи тој конечно ќе добие можност и да заигра во Евролигата.
Пред Кабенгеле, Дубаи потпиша договори со уште неколку врвни засилувања: Џанан Муса, Џастин Андерсон, Двејн Бејкон, Мам Жаите, Алекса Аврамовиќ, Кенан Камењаш и МВП-кошаркарот од последната сезона во АБА-лигата, Американецот Мекинли Рајт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
