Спортистот на годината, Арманд Дуплантис, откри дека неговите амбиции се да го сруши светскиот рекорд во скок со стап на Европското првенство во атлетика во 2026 година во Бирмингем следното лето.
„Претпоставувам дека сè уште не сум го срушил светскиот рекорд на Европско првенство?“, се праша тој во ексклузивно видео интервју за Европска атлетика.
„Значи, тоа треба да биде нешто што морам да го направам. Би било одлично ако можам да го направам тоа во Бирмингем. Само треба да се фокусирам. Можам да го остварам. Мислам, помалку зборување, повеќе акција. Само од мене зависи да бидам во форма и подготвен кога ќе дојде моментот. Но, возбуден сум за Бирмингем“, рече Дуплантис.
Шведскиот рекордер Дуплантис е познат по тоа што соборувал светски рекорди и на Олимписките игри и на Светските првенства во атлетика во последните две сезони.
Тој го поставил светскиот рекорд 14 пати од 2020 година, вклучувајќи четири пати минатата година, а најновиот рекорд е 6,30 метри, кој го постави во Токио кога ја освои својата трета светска титула во септември.
Тој сè уште не го соборил светскиот рекорд на едно европско првенство во атлетика, иако токму таму, во Берлин 2018 година, го постави светскиот јуниорски рекорд (У20) и ја освои својата прва голема титула.
Во истото интервју, Дуплантис се осврна на уште една извонредна година, во која го освои својот трет златен медал на Светското првенство во сала, триумфираше во финалето на Дијамантската лига по петти пат и ја освои наградата за машки спортист на годината по третпат на доделувањето на наградите „Златна патека“ на Европското првенство во атлетика.
„Доста е тешко навистина да се сумира и да се прифати сè што се случуваше и сè што успеав да постигнам, но мислам дека наградите како оваа ми помагаат навистина да ценам сè што сум направил“, рече Дуплантис.
Европското првенство во атлетика 2026 година во Бирмингем, кое ќе се одржи од 10 до 16 август, ќе биде еден од најголемите меѓународни спортски настани следната година. Првпат првенството ќе се одржи во Обединетото Кралство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
