Струга ТЛ утре од 14 часот во Тетово ја очекува заостанатиот натпревар од Првата лига против Шкендија.
Стружани по поразот од Шкупи во неделата сега и тоа како посакуваат позитивен резултат како би останале во трката за самиот врв на табелата.
„Не може да бидеме задоволни од средбата на Чаир, затоа што поразот и не е најреален приказ на тоа што се случуваше на терен. Бевме подобри во првото полувреме, а потоа се случија индивидуални потези кои пресудија. Она што сакам да го кажам е дека и условите не беа добри, теренот беше во крајно скандалозна состојба која не ни дозволуваше нормално да играме фудбал, противникот подобро се аклиматизираше, особено во вториот дел“ – вели тренерот на Струга, Шпетим Дуро, осврнувајќи се на утрешниот дуел со тетовци.
„Шкендија е нов голем предизвик за нас. Краток е периодот за адаптација пред новиот дуел, но верувам дека ќе пружиме максимално издание кое ќе не доведе до позитивен резултат“ – дополнува Дуро.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
