Охрид претрпе елиминација во третото по ранг клупско натпреварување во ракометна Европа, ЕХФ Купот откако загуби во реванш дуелот против романската Потаиса Турда со 39-29.
Охриѓани на гостувањето во Романија заминаа со предност од шест гола (31-25) по првиот меч одигран во „Билјанини Извори“, но романскиот тим ја анулираше негативата, славеше со десет разлика и се пласираше во следната фаза.
По изедначеното отварање на натпреварот и во поголем дел од првите 30. минути игра „гол за гол“, Потаиса Турда направи со серија од 2-0 успеа да замине на одморот со предност од 17-14. Добрата игра на романскиот тим продолжи и на отварањето на второто полувреме, од минута во минута домаќините ја зголемуваа позитива која во 47. минута стана и двоцифрена (29-19), а секој обид на охриѓани да се вратат во мечот беше успешно одбиен од разиграните Романци.
Со по пет голови лидер на Охрид беа Ојлески и Орјоникидзе, додека за Потаиса Турда 15 голови постигна Гхита.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
