Раководството на Е. Пелистер реши да врати на клупата на втората екипа добро познато име, се со цел експресно да биде обезбеден камбек во Супер-лигата по шокантното испаѓање во баражот со Радовиш.
Нов предводник на вториот тим на битолчани ќе биде поранешниот македонски репрезентативец Александар Зарков, кој и во минатото работеше со оваа екипа, а сега ја прифати понудата летово да се врати на чело на Е.Пелистер 2.
„Ракометниот клуб Еурофарм Пелистер 2 го означува својот нов проект, својот нов почеток. За остварување на целта, која е враќање во СУПЕРЛИГА, тимот му е доворен на легендарно име од нашата историјата. За нов тренер на Еурофарм Пелистер 2 е назначен Александар Зарков.
Зарков по кратката епизода во Грција се врати во Битола и ќе продолжи да работи на проектот со млади ракометари. Тој има акумулирано тренерско искуство во нашите лиги, а посебно во работа со ракометари во развој. Неговото претставување е предвидено за 24 јули, кога е официјалната прозивка на екипата на Еурофарм Пелистер 2“, објавија битолчани на официјалната клупска страница на фејсбук.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА