Македонскиот првак Е. Пелистер од утре точно на пладне ќе ги пушти во продажба сезонските билети за 2025/26, трета сезона по ред во која „зелено-белите“ ќе бидат дел и од ракометната Лига на Шампионите.
Сезонските билети се однесуваат на сите домашни средби на „пелистерци“ без разлика за кое натпреварување станува збор, а истите ќе можат да се набават по цени од 6.000 и 7.000 денари.
„⁉️ШТО ДОБИВАТЕ СО СЕЗОНСКИОТ БИЛЕТ
- Со сезонскиот билет ќе може да ги следите натпреварите на Еурофарм Пелистер во тековната македонска ракометна Супер лига каде очекуваме голем број дерби натпревари, исто така натпревари од Купот на Македонија и најбитното натпреварите од Лигата на шампиони каде меѓу другите ни доаѓа актуелниот освојувач на лигата Магдебург, славната Барса со Дикa Mем, ПСЖ со Стаинс, Шипшак, Пранди…
- Исто ќе можете да ги следите натпреварите на нашиот втор тим Еурофарм Пелистер 2 составен од голем број кадетски и младински репрезентативци, нашата иднина, кои заедно ќе ги следиме во нивното градење во идни врвни ракометари…
ℹ️ Цена:
– 7000 централен дел од трибина
– 6000 страничен дел од трибина“, информираат од Е. Пелистер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

