Македонскиот ракометен шампион Е. Пелистер вечерва ги стартуваше подготвките за новата сезона во која покрај на домашен план, тие ќе ја претставуваат нашата држава и во Лигата на шампионите.
Првиот собир во арената „Боро Чурлевски“ во Битола го имаше новиот тренер на пелистерци Рубен Гарабаја. На денешниот тренинг недостигаа новите засилувања Ибрахим Калед Валис, Ник Хенигман и Рудолф Хекберт кои ќе се приклучат викендов за медицинските тестови.
Во првата фаза од подготовките ракометарите на Еурофарм Пелистер ќе се подготвуваат во Битола, а централната фаза ќе ја реализираат од четврти август на Златибор. Таму ќе се бруси формата десет дена и ќе се одиграат првите контролни натпревари. По враќањето во Македонија, ракометарите на Еурофарм Пелистер ќе учествуваат на турнирите во Охрид (19-23 август) и Скопје (28-31 август).
Првите официјални натпревари Еурофарм Пелисгер ќе ги одигра во септември. Суперкупот на Македонија против Вардар 1961 на 3 септември.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
