Кристијано Роналдо како од шега урива рекорди на фудбалските терени, но и надвор од нив. Португалецот испиша нова историја откако стана прв човек што има над една милијарда следбеници на своите официјални профили на социјалните мрежи.
Тој неодамна отвори и личен јутјуб канал со кој за една седмица ја надмина границата од 50 милиони следбеници, со што заокружено ја мина неверојатната граница од една милијарда следбеници на сите социјални мрежи.
Кристијано е најдоминантен на инстаграм со повеќе од 639 милиони луѓе кои о следат, на фејсбук оваа бројка изнесува над 170 милиони, на твитер над 113 милиони следбеници, а заедно со јутјуб и помалите социјални мрежи гранцата од една милијарда е надмината.
„Испишавме историја – МИЛИЈАРДА следбеници. Ова е повеќе од бројка, ова е доказ за нашите заеднички страсти и љубовта кон играта и пошироко. Од улиците на Мадеира до најголемите терени во светот, секогаш играв за своето семејство и за сите вас, а сега сите заедно сме една милијарда. Ви благодарам што верувате во мене, што ме поддржувате и што сте дел од мојот живот. Најдоброто допрва доаѓа“, напиша Кристијано Роналдо одбележувајќи го овој неверојатен рекорд.
We’ve made history — 1 BILLION followers! This is more than just a number – it’s a testament to our shared passion, drive, and love for the game and beyond.
From the streets of Madeira to the biggest stages in the world, I’ve always played for my family and for you, and now 1… pic.twitter.com/kZKo803rJo
— Cristiano Ronaldo (@Cristiano) September 12, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
