Вториот најдобар стрелец во историјата на турската репрезентација, Бурак Јилмаз на 37 години реши да стави крај на фудбалската кариера.
Во својата кариера одличниот напаѓач одигра 77 натпревари за Турција и постигна 31 гол. Од него подобар е само легендарниот Хакан Шукур кој постигна 51 гол за репрезентацијата.
„Среќен сум и горд на се што направив во текот на мојата кариера. Среќен сум што се пензионирав, а на ум имам и тренерска кариера“, изјави Јилмаз.
Играше за сите најдобри турски клубови, од Галатасарај и Бешикташ до Фенербахче и Трабзонспор. Беше член и на француски Лил, со кого ја освои шампионската титула во 2021 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
