Саудискиот фудбалски клуб Ал Итихад е заинтересиран за голманот на Манчестер Сити, Едерсон. Ал Итихад е заинтересиран за бразилскиот голман веќе една година, но не сака да троши премногу пари за трансферот, па ќе му понудат почетни 25 милиони фунти, објави „Дејли мејл“.
Договорот на Едерсон со шампионот во Премиерлигата истекува за две години. Бразилецот, кој не ја заврши сезоната поради повреда на окото на натпреварот против Тотенхем, размислува за нов предизвик во кариерата, се вели во написот.
Во Ал Итихад, меѓу другите, играат Фабињо, Н’Голо Канте и Карим Бензема, кој најверојатно летово ќе го напушти клубот. За 30-годишниот голман е заинтересиран и Ал Наср, кој сака да го замени Давид Оспина, чиј договор истекува ова лето.
Едерсон е во Манчестер Сити од 2017 година, досега одигра 332 натпревари и освои шест првенствени титули, Лигата на шампионите, два ФА купа и четири Лига купови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
