Украинскиот фудбалер Јарослав Ракицки се реши да го напушти тимот на Зенит, после инвазијата на Русија врз Украина. Клубот од Санкт Петербург не му правеше проблеми, и веднаш го раскина договорот со стоперот.
Од друга страна, пак, украинската легенда Анатоли Тимошчук не се реши на таков чекор. Тој е помошник на Сергеј Семак на клупата на „сините“ од Санкт Петербург, и останува дел од стручниот штаб.
Тимошчук беше и играч на Зенит две години, а од 2017 година е дел од стручниот штаб на тимот. Многумина на социјалните мрежи го осудија овој потег на поранешниот украински репрезентативец, и му порачаа веднаш да ја напушти Русија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
