Едриличарите на „Акватика Јахтинг“ од Охрид се најуспешните на Интернационалната регата „Охрид 2025“ која изминатиов викенд се одржа во Охрид во рамките на „Ohrid Water festival 2025“, а под организација и покровителство на „Акватика Јахтинг“, Општина Охрид и Едриличарската федерација на Македонија.
Натпреварите се одвиваа во четири натпреварувачки класи, Оптимист, Илка 4, Илка 6 и Класа 470, со учество на пет клуба од Македонија и од Србија, во кои едриличарите на „Акватика Јахтинг“ се закитија со вкупно 12 трофеи, од кои три златни, пет сребрени и четири бронзени одликувања.
Во најмасовната класа Оптимист, во која се натпреваруваа 21 едриличар, во генералниот пласман триумфираше Мила Булатовиќ од „Акватика Јахтинг“ од Охрид. Во класата Илка 4 победи Евгенија Ставрева од „Акватика Јахтинг“ а во Класата Илка 6 триумфираше Милица Миловиќ од ЕК „Металац“ од Смедерево, Србија.
Во олимписката класа 470 победија Анѓела Станковиќ и Никола Павиќ од ЕК Металац – Смедерево, Србија.
Главен судија на Интернационалната регата во Охрид беше истакнатиот светски стручњак од едрењето, Италијанецот Луиџи Бертини.
Претходно, пред одржувањето на интернационалната регата во Охрид беше одржан и меѓународен тренинг камп под „палката“ на истакнатиот хрватски тренер, Јанош Палко.
КОНЕЧЕН ПЛАСМАН – МЕЃУНАРОДНА РЕГАТА „ОХРИД 2025“
КЛАСА ОПТИМИСТ (ГЕНЕРАЛЕН ПЛАСМАН)
1. Мила Булатовиќ (Акватика Јахтинг – Охрид)
2. Томе Златески (Снегар – Струга)
3. Сара Милевски (Снегар – Струга)
ОПТИМИСТ (ЖЕНСКИ)
1. Мила Булатовиќ (Акватика Јахтинг – Охрид)
2. Сара Милевска (Снегар – Струга)
3. Дарија Зографска (Акватика Јахтинг – Охрид)
ОПТИМИСТ (МАШКИ)
1. Томе Златески (Снегар – Струга)
2. Сергеј Кречов (Акватика Јахтинг – Охрид)
3. Петар Филоски (Акватика Јахтинг – Охрид)
ИЛКА 4
1. Евгенија Ставрева (Акватика Јахтинг – Охрид)
2. Илина Гаџоска (Акватика Јахтинг – Охрид)
3. Дарио Лолиќ (Војводина – Нови Сад, Србија)
ИЛКА 6
1. Милица Миловиќ (Металац – Смедерево, Србија)
2. Софија Ставрева (Акватика Јахтинг – Охрид)
3. Јана Неданоска (Акватика Јахтинг – Охрид)
КЛАСА 470
1. Анѓела Станковиќ/ Никола Павиќ (Металац – Смедерево, Србија)
2. Марија Миличевиќ/ Вук Петровиќ (Металац – Смедерево, Србија)
3. Гала Булатовиќ/ Стефан Настески (Акватика Јахтинг – Охрид)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
