По заминувањето на Роман Абрамович од кормилото на Челси, јасно беше дека клубот го чекаат огромни промени не само во соблекувалната, туку и во управата. Долгогодишниот претседател на „сините“, Брус Бак и директорката Марина Грановскаја веќе го напуштија Лондон, а сега по нивните стапки тргна и Петр Чех, кој ја извршуваше функцијата технички советник.
Новиот сопственик на Челси, Тод Боли сакаше легендарниот голман да остане во клубот, но Чех не беше за одлуката да го пушти Ромелу Лукаку да си замине, па тоа беше една од спорните точки.
Покрај засилувањата за следната сезона, Боли ќе треба да бара и кадровски решенија за слободните места од кои зависи функционирањето на клубот. Се додека тоа не се реши, Американецот најави дека лично ќе учествува во преговорите со други клубови, па навивачите со нетрпение очекуваат нови лица во спортскиот сектор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
