Европската ракометна федерација донесе одлука во врска со реванш четвртфиналето од Купот на ЕХФ меѓу Партизан и АЕК, два тима кои треба да го дадат последниот патник во полуфиналето каде веќе е нашиот Алкалоид.
По вчерашните инциденти и неодигрувањето на реваншот, ЕХФ донесе одлука што понатаму.
Соопштението го пренесуваме во целост:
„Европската ракометна федерација (ЕХФ) ја донесе одлуката откако вториот натпревар од четвртфиналето на Европскиот машки куп на ЕХФ меѓу РК Партизан и АЕК Атина, беше одложен на 30 март поради безбедносни проблеми на арената.
ЕХФ одлучи натпреварот да биде презакажан на неутрален терен, кој нема да биде во Србија или Грција. Точната локација и време ќе бидат објавени подоцна.
Со оглед на безбедносните грижи ноќта помеѓу недела и понеделник, ЕХФ ја разгледува можноста натпреварот да се одигра без присуство на публика.
Иако беше одлучено натпреварот да се презакаже, ќе биде покрената правна постапка за разгледување на ситуацијата околу натпреварот кој требаше да се одигра во неделата“, стои во соопштението на ЕХФ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
