Офанзивецот Музафер Ејупи е избран за играч на 23. коло во хрватскиот шампионат.
Ејупи беше двоен стрелец во победата од 2-1 на Осијек во дерби пресметката против сплитски Хајдук, најзаслужен за триумфот на осијечани кои ја продолжуваат трката за излез на европската сцена следната сезона.
Ејупи со 11 постигнати голови во моментов е и најдобар стрелец во хрватското првенство.
Во тимот на колото во Хрватска место има и за репрезентативецот Стефан Ристовски кој, пак, беше најдобриот поединец во редовите на Ријека, двапати асистирајќи во триумфот од 2-1 против Локомотива Загреб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
