Во текот на минатата година Формула 1 доби нов сопственик. По околу 40 години познат како „алфа и омега“ во најбрзиот циркус во светот, Берни Еклстон одлучи да се повлече и да го продаде сопствеништвото на американската компанија „Либерти Медиа“.
Набрзо потоа беше обелоденето дека Еклстон ќе биде извршен директор во Ф1, а неодамна ја загуби и таа позиција од Рос Браун. Тој во моментов има ’титула’ почесен претседател која на многумина не им е јасно што права и обврски ќе има. На Еклстон очигледно му се смачи да има неизвесна иднина во најпопуларнито авто-мото спорт, па одлучи да раскрсти во целост со Ф1.
Во моментов, Еклстон има 950.599 акции од Ф1 кои ќе бидат ставени на продажба за 29,42 долари по акција што на крајот треба да му донесат заработка од околу 40 милиони долари. Не само што Еклстон се одлучил на ваков потег, по негови стапки тргнаа и преостанатите шест акционери кои не сакаат да бидат дел од новата ера во Ф1.
„Либерти медиа“ сака дел од акциите да им ги продаде на тимовите, но барем засега нема никаков интерес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
