Икер Касилјас важеше за мирен и скромен човек додека имаше и повеќе од успешна фудбалска кариера, но ситуацијата се промени откако голманот му кажа збогум на фудбалот.
Тој се разведе од ТВ-водителката Сара Карбонеро со која има две деца, а во меѓувреме поранешниот шпански репрезентативец беше забележан со различни убавици крај себе.
Последните информации говорат дека нова девојка на Икер е долгогодишната ТВ-водителка Алисон Екман, која важи за едно од најпознатите лица во ТВ-куќата „Медиасет“. Оваа убавица своевремено имаше и кратка врска со Кристијано Роналдо додека тој настапуваше за Реал Мадрид, а уште повеќе доби на популарност учествувајќи во реалното шоу „Big Brother VIP 5“.
Таа веќе извесно време живее во Лос Анџелес, но далечината не е проблем за поранешниот голман на Реал Мадрид.
„Икас и Алисон, таа врска е и повеќе од вистинита. Тој неколку пати доаѓаше во САД за да се види со неа, а и таа заминва во Шпанија поради Касилјас“, пишуваат американските таблоиди.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
