Баерн Минхен прави целосен ремонт на тимот, а ангажманите на Хироки Ито, Жоао Палхињо и Мајкл Олисе нема да бидат единствените засилувања на германскиот тим ова лето.
Баварците изразија голем интерес за ангажман на младиот крилен напаѓач на Рен, Дезире Дуе. Според германските медиуми тимот веќе и испратил понуда од 35 милиони евра за негов ангажман која сепак била експресно одбиена.
Рен нема желба лесно да се откаже од услигите на своите најдобри фудбалери, а еден од нив несомнено е 19-годишникот кој претходната сезона за првиот тим настапи на 43 натпревари постигнувајќи четири голови и шест асистенции.
За услугите на Дуе не е заинтересиран само Баерн Минхен туку и ПСЖ и Тотенхем па јасно е дека баварците и во овој случај ќе мораат да го „одврзат ќесето“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
