Енис Барди е најдобриот репрезент на македонскиот фудбал во странство. Еден од адутите на нашата млада репрезентација до 21 година на ЕП во Полска, стана стандарден член на А-тимот, но и направи трансфер од Ујпешт во Леванте. А во Ла Лига, „Ел Бомбардеро“ ги тероризира голманите од слободни удари.
Наградата му ја предаде „Ел Команданте“, шпанскиот стратег Раул Гонзалес, тренерот на РК Вардар и македонски селектор.
„Има многу луѓе на кои сакам да им се заблагодарам за оваа награда. Прво на Господ што сум тука заедно со вас, потоа на моето семејство, на многу кои ми имаат помогнато, но и биле дел од репрезентацијата, пред се на селекцијата до 21 година со која учествуваме на ЕП, но и на А-репрезентацијата, сите мои соиграчи, тренерите, селекторот Благоја Милевски, раководството на Фудбалската федерација. Верувам дека во иднина Македонија ќе биде уште посилна“, изјави Енис Барди.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
