За прв пат по Светското првенство во Катар 2022 година, легендарниот напаѓач Луис Суарез е повикан во репрезентацијата на Уругвај за квалификациите за престојниот собир на најдобрите светски репрезентации во 2026 година.
Искусниот 36-годишник ќе биде дел од престојните два натпревари во кои Уругвај силите ќе си ги одмери со Аргентина и Боливија.
Селекторот Марсело Бјелса не му даде доверба на поранешниот фудбалер на Ливерпул и Барселона за првите четири натпревари во квалификациите, но добрите настапи за Гремио во бразилското првенство го вратија назад во репрезентацијата.
Популарниот „Ел Пистолеро“ досега настапи на 137 натпревари за Уругвај и постигна вкупно 68 голови со кои е најдобриот стрелец во историјата на оваа јужноамериканска репрезентација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
