Елена Свитолна ја освои највредната титула во кариерата триумфирајќи во финалето на завршниот турнир на сезоната во Сингапур. Во финалната битка со 2-1 во сетови беше подобра од Слоун Стивенс. Американската тенисерка силно влезе во дуелот, го доби воведниот сет со 6-3, но Свитолина направи комплетен пресврт.
Во вториот сет ја остави Стивенс на само два гема, а потоа и во решавачкиот сет исто така беше доминантна и ја запре противничката на два гема.
Тенисерките кои полека го преземаат приматот во светскиот тенис, одиграа импресивно финале демонстрирајќи квалитет во меч исполнет со долги поени и одлични потези.
Свитолина е првата тенисерка по Серена Вилијамс во 2013 година, која го освоила турнирот во Сингапур без пораз.
Четврта година по ред, освојувачката на турнирот е тенисерка која нема трофеј од грен-слем турнир. Најголеми успеси на Свитолина се четвртфиналните пласмани на Ролан Гарос и на Австралија Опен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
