Минатогодишната победничка Каролина Вознијацки не обезбеди пласман во полуфиналето на завршниот ВТА турнир во Сингапур. Во завршното коло од групната фаза Вознијацки загуби од Елина Свитолина во три сета со 7-5, 5-7, 3-6.
Бранителката на титулата уште од стартот имаше потешкотии, но успеа да го добие првиот сет со 7-5. Но не успеа да го издржи притисокот во вториот сет кој го загуби со 5-7, а со тоа и шансата за пласман во полуфиналето. Свитолина потоа рутински ја заврши работата во третиот сет и стигна до победа што и носи место меѓу најдобрите четири.
Со оваа победа Свитолина заврши на првото место во „белата група“, а втора е Каролина Плишкова, а без пласман во завршницата од оваа група останаа бранителката на титулата, Вонијацки и Петра Квитова.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
