Наполи повторно се израмни со Рома на делба на првото место на табелата oткако актуелниот шампион славеше на домашен терен против Џенова со 2-1. Елиф Елмас повторно се најде на клупата за резерви и не доби шанса ниту во второто полувреме, следејќи ги сите 90 минути од клупата за резерви.
Триумфот на „наполитанците“ е уште позначаен ако се знае дека Џенова имаше водство по првото полувреме, но „пулените“ на Конте сепак собраа сили за пресврт и го освоија целиот плен на овој натпревар.
Ангиса погоди за израмнување на 1-1, а Наполи потоа тргна во целосна офанзива кога во игра влезе и Де Бруине. Хојлунд имаше еден поништен гол поради минимален офсајд, но Данецот повторно стрелаше прецизно во 75. минута, носејќи ја победа на „наполитанците“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
